Айман Кәріпбаеваның ертегілерін онлайн тыңдау

Ертегілер әрқашанда қазақ халқының өмірінде маңызды роль атқарып келген. Ұрпақ тәрбиесінде ең тиімді тәрбие құралы ретінде ертегілер тілі жеңіл, түсінуі оңай болғандықтан, ертегілердің балаларға отансүйгіштік, еңбексүйгіштік тәрбиелер беруде ғана емес, олардың тілін дамытуда да атқарар қызметінің маңызы өте зор. Ертегілер оқушылардың ой-өрісін жетілдіріп, Отанын сүюге , елін қорғауға, өнерді игеруге, жалпы адамгершіліктік құндылықтарды бойына сіңіруге септігін тигізеді деген мақсатта қазан айының 12-ші жұлдызында қалалық орталық балалар кітапханасының жоғарғы сынып оқушыларына қызмет көрсету бөлімі оқырмандардың назарына жергілікті ақын, балалар жазушысы Айман Кәріпбаеваның ертегілерін онлайн ұсынды. Оқырмандар тарапынан фейсбук парақшасында 109 қаралым, 9 оң пікір, инстаграм парақшасында 48 қаралым, 8 оң пікір жазылды. Жалпы 174 қаралым болды.

Есболат Айдабосынмен офлайн кездесу

14 қазан күні Өтенай ауылдық №5 кітапхана филиалында «Туған жерге» тағзым жобасы аясында Қазақстан журналистер одағының мүшесі, «Алтын тобылғы», «Алтын қалам» әдеби сыйлықтарының иегері, «Сүлікқара», «Қызыл сақа», «Тибет аруы» атты кітаптардың авторы жазушы Есболат Айдабосын мырзамен кездесу өтті. Шара барысында оқырман қауым өздерін қызықтыратын бірқатар сұрақтарын қойып, тұщымды жауаптар алды. Сонымен қатар автор өзінің кітаптарына жеке-жеке тоқталып өтті. Автордың соңғы шыққан 4 бөлімнен тұратынын кітабы «Тибет аруында» кітаптың әр бөлімі қала тарихы, дала тарихы, бала тарихы болып баяндалады. Сол дала тарихын құрайтын бөлімінде Жетісу өңірінде өмір сүрген Байсерке, Қожеке сияқты күйшілер туралы зерттеген тарихи жазбалары кіргендігін әңгімеледі. Ондағы мақсат қазақтың күй өнеріндегі көмескіленіп, ұмытыла бастаған тұлғаларды оралту екендігін айтты.

Өнер талаптан туады

2020 жылдың 13 қазан күні сағат 11-00 «Талдықорған қаласының орталықтандырылған кітапханалар жүйесіне» қарасты Еркін ауылдық № 3 кітапхана филиалының ұйымдастыруымен «Туған жерге тағзым» жобасы аясында Т.Жүргенев атындағы Қазақ Өнер Академиясының доценты, Қазақстанның еңбек сіңірген қайраткері, ҚР Суретшілер Академиясының академигі, Халықаралық Карл Фаберже орденінің кавалері, Халықаралық Тұран сыйлығының лауреаты, Ә.Қастеев атындағы алтын белгі иегері, зергер- суретші Дәубаев Естай Серікбайұлымен «Өнер талаптан туады» атты онлайн- кездесу өткізілді. Мақсаты: Оқырмандарды отандық атақты зергерлермен, олардың өнерімен таныстыру, жалпы зергерлік өнер туралы мәлімет беру. Оқырмандар қойған сұрақтарға жауап беру

Өнер талаптан туады

2020 жылдың 13 қазан күні сағат 11-00 «Талдықорған қаласының орталықтандырылған кітапханалар жүйесіне» қарасты Еркін ауылдық № 3 кітапхана филиалының ұйымдастыруымен «Туған жерге тағзым» жобасы аясында Т.Жүргенев атындағы Қазақ Өнер Академиясының доценты, Қазақстанның еңбек сіңірген қайраткері, ҚР Суретшілер Академиясының академигі, Халықаралық Карл Фаберже орденінің кавалері, Халықаралық Тұран сыйлығының лауреаты, Ә.Қастеев атындағы алтын белгі иегері, зергер- суретші Дәубаев Естай Серікбайұлымен «Өнер талаптан туады» атты онлайн- кездесу өткізілді. Мақсаты: Оқырмандарды отандық атақты зергерлермен, олардың өнерімен таныстыру, жалпы зергерлік өнер туралы мәлімет беру. Оқырмандар қойған сұрақтарға жауап беру

Онлайн кездесу. Дін-тәрбиенің рухани тірегі

2020 жылы 8 қазан күні сағат 11.00 де «Талдықорған қаласының орталықтандырылған кітапханалар жүйесіне» қарасты қалалық №2 кітапхана филиалының ұйымдастыруымен Алматы облысы дін істері басқармасының «Дін саласындағы мәселелерді зерттеу орталығы КММ-сінің» бөлім бастығы Сағыныш Асқарұлымен «Дін тәрбиенің рухани тірегі» тақырыбында онлайн кездесу өткізілді. Мақсаты: Жастардың діни сауттылығын ашу, оларды адамгершілікке, имандылыққа тәрбиелеу, қатер төндіретін жат діни ағымдардан сақ болуға, қазақ халқының діни ұстанымы мен салт-дәстүрін қастерлеп сақтауға, Отансүйгіштікке тәрбиелеу, оқырмандардың қойған сұрақтарына жауап беру.