«Демеушілерден кітап»

Қалалық орталық балалар кітапханасының жоғарғы сынып оқушыларына қызмет көрсету бөлімі наурыз айының 30 – шы жұлдызында халықтың рухани байлығын дамытып, оқырман мен кітапхана арасын нығайту мақсатында «Демеушілерден кітап» атты челлендж ұйымдастырып, қалалық №2 кітапхана филиалына жолдады. https://m.facebook.com/story.php?story_fbid=1173569470071311&id=100022548073225 https://www.instagram.com/p/Cbtv0k9tl28/?utm_medium=copy_link

«Әжемнің ертегілері»

Наурыздың 28 жұлдызында қалалық орталық балалар кітапханасының төменгі сынып оқушыларына қызмет көрсету бөлімі әжеміз Шара Бөркеқызының қатысуымен «Әжемнің ертегілері» атты ертегі сабақ ұйымдастырды. Мақсаты: балаларға ертегі оқу арқылы сөйлеуге, өз ойларын әдемі жеткізіп баяндауға, тыңдағанын есте сақтап, мазмұндап айтуды үйрету. Барысында Шара әжеміз №2 орта мектептің 4 сынып оқушыларына «Әжемнің ертегілері» кітабынан «Ақыл, ғылым, бақыт» атты ертегіні оқып берді. Сондай – ақ, әжеміз ертегі оқу арқылы балалардың бойына жақсы қасиеттерді сіңіріп, жағымсыз қасиеттерден аулақ болуға, ертегі кейіпкерлерінің іс – әрекетіне қорытынды жасай отырып, балаларды адамгершілікке, имандылыққа тәрбиелеуге үлесін қосты. Шараға 7 оқырман қатысты. https://m.facebook.com/story.php?story_fbid=1172266366868288&id=100022548073225 https://www.instagram.com/p/Cbof4HuKWGA/?utm_medium=copy_link

"Маржан сөздің зергері"

Биыл қазақтың халық жазушысы, драматург, сыншы, мемлекет және қоғам қайраткері Ғабит Махмұтұлы Мүсіреповтің туғанына 120 жыл. Осы орайда, Наурыз айының 24-ші жұлдызында Талдықорған қалалық №2 кітапхана филиалы «Маржан сөздің зергері» атты ұсыныстық көрме ұйымдастырды. Ғабит Мүсіреповтің жырларының ең басты екі тірегі — туған ел мен жерге деген ыстық махаббаты және қоғамдағы, өмірдегі қайшылықтар мен әділетсіздіктерге, адам қолымен жасалған қиянаттарға қарсы күрескерлігі. Оқырмандарға кітапхана қорынан жазушының өмірі мен шығармашылығы туралы материалдар, оның шығармалары мен мерзімді басылым беттеріндегі мақалалары ұсынылды. Көрменіңмақсаты - ақынның шығармашылығын дәріптеу, поэзияны сүюге, оны бағалай білуге, сыршыл да шыншыл ақын өлеңдерінің мәні мен маңызына үңілдіруге, рухани танымын кеңейтуге ықпал ету. https://m.facebook.com/story.php?story_fbid=1170296130398645&id=100022548073225

Мақал сөздің мәйегі

2022 жылдың 25 наурыз күні В.Маяковский атындағы қалалық орталық кітапханасының оқу залында Талдықорған қаласының «Айналайын» балалар үйінің тәрбиеленушілерімен «Мақал-сөздің мәйегі» атты қазақ мақал-мәтелдеріне арналған тапқырлар сайысы ұйымдастырылды. Аталмыш іс шара ата - бабамыздан қалған өсиет сөздері арқылы адамгершілікке, ойын нақты, дұрыс жеткізуге, тапқыр сөйлеуге үйрету , сөз өнері арқылы дүниетанымдарын кеңейту, даналыққа тәрбиелеу мақсатында өткізілді

Коворкинг

Қалалық орталық балалар кітапханасының төменгі сынып оқушыларына қызмет көрсету бөлімі наурыз айының 24 жұлдызында оқырмандарға достарымен бос уақыттарын бірге өткізіп, көптеген қызықты іс – шараларға қатысу мақсатында коворкинг орталығында жұмыстар ұйымдастырды. Шара барысында оқырмандар өздерінің сүйікті ісімен айналысып, шахмат, дойбы ойнап, түрлі – түсті кітаптар мен журналдар оқып, бос уақыттарын тиімді әрі қызықты өткізді. Шараға 17 оқырман қатысты.