"Қазақ сахнасының саңлағы"

Өтенай ауылдық №5 кітапхана филиалында 11 қаңтар күні «Қазақ сахнасының саңлағы» деген тақырыптағы өнер сағаты актриса, Қазақ Республикасының халық әртісі, кино экраны мен театр сахнасында қазақтың талай ару қызы мен абзал аналарының сүбелі образын сомдаған талантты актриса, қаламгер-драматург, Қырғыз Республикасы өнерінің еңбек сіңірген қайраткері, Мемлекеттік сыйлықтың лауреаты Бикен Ырымқызы Римованың туғанына – 100 жыл толуына арналып өткізілді. Шараға арнайы қаламыздағы Бикен Римова атындағы Талдықорған драма театрының актеры, Қазақстанның еңбек сіңірген қайраткері, «Ерен еңбегі үшін» медалінің иегері, Талдықорған қаласының «Құрметті азаматы» Кендебай Темірбайұлы, кітапхана оқырмандары, №21 мектептің 8 сынып оқушылары шақырылды. Шара барысында оқырмандарға актриса Б.Римованың өмірі туралы мәлімет берілді. Шара қонағы Кендебай Темірбайұлы Бикен апаның сахнада сомдаған кейіпкерлері, кинода ойнаған рөлдері жәйлі әңгімелеп берді. Жастарға ө...

«Мемлекеттік тіл – ұлттық қазына»

Мойнақ ауылдық №6 кітапхана филиалында 11 қаңтар күні мектеп оқушыларының қатысуымен «Мемлекеттік тіл – ұлттық қазына» атты тұрақты кітап көрмесіне библиографиялық шолу жасалды. Мақсаты: Оқушыларды білім алушылардың тіл туралы білімдерін ұштастыра отырып ой белсенділігін дамыту, шығармашылық ізденіске бағыттау, ізденімпаздық қасиеттерін арттыру, ой шеберлігін, сөйлеу мәдениетін жетілдіру, ой бөлісе отырып сөз еркіндігіне баулу.

"Дүлділ домбырашы"

Қаңтар айының 9 күні қалалық №2 кітапхана филиалы Құрманғазы Сағырбайұлының туғанына 205 жыл толуына орай «Дүлділ домбырашы» атты ән шашу ұйымдастырды.Мақсаты: Домбыра аспабының құрылысымен, шығу тарихымен таныстыра отырып, домбыраның ән-күй өнеріндегі алатын орнын түсіндіру. Оқушылардың ән-күй тыңдау арқылы әуендік сезімталдығын арттыру, есте сақтау, қиялдап, ойлау қабілеттерін дамыту. Құрманғазы күйлерінің тәрбиелік мәні жайлы әңгімелей отырып, ұлтжандылыққа, отансүйгіштікке тәрбиелеу.

Құтты болсын, Жаңа жыл!

3-ші бөлімшедегі №7 кітапхана филиалында 2022 жылы 29 желтоқсаны күні «Құтты болсын, Жаңа жыл!» атты ертеңгілік өтті. Іс-шараға қатысушылар көңілді күйде шыршаны айнала ән салып би биледі. Ертеңгіліктің бүгінгі кейіпкерлеріне арнап бүлдіршіндер, кітапхананың белсенді оқушылары әннен шашу шашып, үйден дайындап келген өлеңдерін мәнерлеп жатқа оқып, өз өнерлерін көрсетті. Аяз ата мен Ақшақар ертеңгілікке қатысушыларға Жаңа жылдық сыйлықтар табыс етті. Мақсаты: балаларға мерекелік көңіл күй сыйлау,, Аяз атаның, Ақшақардың, Қоянның, Аюдың мерекелік киімдеріне назар аударту, көңілді ойындар ойнату, достық қарым-қатынас орнату.

Қоғамды дамытудың бірнеше жолдары

Еңбек ауылдық №4 кітапхана филиалында 2022 жылдың желтоқсан айының айының 27 жұлдызында «Рухани жаңғыру» бағдарламасы аясында №22 мектептің 7-8 сынып оқушылары арасында«Қоғамның санасын дамытудың бірнеше жолдары»атты ақпарат сағаты өтті. Мақсаты: Қоғамдық сананы жаңғырту – Қазақстан қоғамын жаңғыртудың діңгегі және бұл өскелең ұрпаққа тікелей қатысты. «Жарқын болашақ тек қана жастардың өздеріне байланысты және олардың қолдарында» екенін айтып жеткізу.