"Буккроссинг"

Өтенай ауылдық №5 кітапхана филиалында 4 ақпан күні «Буккроссинг» акциясы аясында әр жастағы оқырмандар кітапханаға келіп бір –бірімен пікірлесіп, оқыған кітаптарымен алмасты. Мақсаты: Жастарды белсенділікке тәрбиелеу, бос уақыттарын тиімді пайдаланып кітап оқуға шақыру, оқылған кітаптарға «екінші өмір сыйлау».

«Жемқорлыққа жол жоқ» дөңгелек үстел

2025 жылы 4 ақпан күні Мойнақ ауылдық №6 кітапхана филиалында «Жемқорлыққа жол жоқ» атты дөңгелек үстел өтті. Мақсаты: Оқырмандарға «Сыбайлас - жемқорлық» деген ұғымды түсіндіріп, оның пайда болу жағдайлары туралы түсінік беру. Өз көзқарастарын білдіріп, дүниетанымдарын кеңейту, ойларын еркін жеткізе білу қабілеттерін дамыту.

"Танымал қаламгерлер" атты кітап көрмесі

Еңбек ауылдық № 4 кітапхана филиалында 2025 жылдың 4 ақпан күні "Бір ел-бір кітап" республикалық акциясы аясында "Танымал қаламгерлер" атты кітап көрмесіне библиографиялық шолу өткізілді. «Бір ел - бір кітап - 2025» республикалық акциясы бойынша ел болып оқитын кітапты таңдау барысында қазақ әдебиетінің поэзия және проза жанрынан екі автордың шығармалары таңдалды. Проза жанры бойынша ұлтымыздың көрнекті жазушысы, ақын, сыншы, аудармашы, суреткер Тәкен Әлімқұловтың шығармаларын оқу ұсынылды. Поэзия жанры бойынша мемлекеттік сыйлықтың иегері, көрнекті ақын, биыл 90 жылдық мерейтойы аталып өтетін Жұмекен Нәжімеденовтың шығармалары таңдалды. Республикалық акцияның мақсаты – қазақ әдебиетін насихаттау, қоғамның кітап оқуға деген қызығушылығын арттыру, Қазақстанның әдеби мұрасын зерттеуге мүмкіндік туғызу, өскелең ұрпақтың зияткерлік-рухани дамуы мен ана тіліне деген құрметін көтеру.

"Әл-Фараби - шығыстың ғұлама ғалымы" атты әдеби вернисаж

Еңбек ауылдық №4 кітапхана филиалында 2025 жылдың 4 ақпан күні мыңжылдықтың Ұлы перзенті Әбу-Насыр Әл-Фарабидың туғанына 1155 жыл толуына орай "Әл-Фараби - шығыстың ғұлама ғалымы" атты әдеби вернисаж өткізілді. Мақсаты: Қазақстанның белгілі ғалымы туралы түсінік беру. Ғалымның еңбектері жайлы жан-жақты мағлұмат бере отырып, шығармашылығымен таныстыру.

Сөздік біздің көмекшіміз

2025 жылғы 03 ақпан күні қалалық орталық балалар кітапханасының жоғарғы сынып оқушыларына қызмет көрсету бөлімінде №2 орта мектептің 5 сынып оқушыларымен «Сөздік біздің көмекшіміз» атты библиографиялық сабақ өтті. Мақсаты: Оқушылардың сөздіктер туралы білімдерін кеңейту, олардың әртүрлілігі мен әрқайсысының мақсатын көрсету, анықтамалық басылымдармен практикалық дағдыларын бекіту, кітаппен жұмыс мәдениетін қалыптастыру, білім алушылардың ой-өрісін кеңейту.