"Кітап әлемінде" саяхат сағаты

2025 жылғы 13 ақпан күні қалалық орталық кітапханасында Облыстық мүмкіндігі шектеулі №1 балабақша – мектеп- интернатының 5,6,7 сынып оқушыларына «Кітап әлемінде» тақырыбында саяхат сағаты өткізілді.Мақсаты: Оқушылардың кітапқа деген қызығушылығын арттыру, кітап оқу арқылы ойлау қабілеттерін дамыту. Шараға 29 бала қатысты.

Өскелең ұрпақ сыбайлас жемқорлыққа қарсы

2025 жылғы 12 ақпан күні қалалық орталық балалар кітапханасының жоғарғы сынып оқушыларына қызмет көрсету бөлімінде №18 орта мектептің 7 «Г» сынып оқушыларымен «Өскелең ұрпақ сыбайлас жемқорлыққа қарсы!» атты ақпараттық сағат өтті. Шараға 37 бала қатысты. Мақсаты: Оқушылардың сыбайлас жемқорлық туралы білімдерін тереңдету, Заң алдындағы жауапкершілікті арттыру, ұйымшылдық пен тәртіптіліктің тиімді жолдарын таба білуге баулу, саяси сауаттылыққа баулу; Оқушылардың өз құқықтарын қорғай білуге үйретіп, патриоттық тәрбиеге баулу.

«Ауғанның отты жалыны» атты ақпарат сағаты.

2025 жылғы 12 ақпан күні Учхоз (ЗВТ) №8 кітапхана филиалында 15 ақпан - Интернационалист - жауынгерлерді еске алу күніне орай «Ауғанның отты жалыны» атты ақпарат сағаты көпшілік оқырмандар арасында өтті. Мақсаты: Ауған соғысы жайлы толық мәлімет беру, өз Отанына шексіз берілген, патриоттық рухы жоғары, қайсар жауынгер ағалардың ерлігін үлгі ету, Ауған соғысында опат болған жауынгерлердің рухына тағзым етуге, есімдерін қастерлеуге тәрбиелеу.

"Бөрілі менің байрағым" әдеби сағат

2025 жылғы 11 ақпан күні қалалық орталық кітапханасында айтыс өнерінің майталманы Сүйінбай Аронұлының туғанына 210 жыл толуына орай, инновациялық колледж студенттері атсалысуымен «Бөрілі менің байрағым» атты әдеби сағаты ұйымдастырылды. Шара барысында Сүйінбай Аронұлының өмірбаянына шолу жасалып, ІІІ курс студенттері Өтеулі Аяна мен Бейл Айдана «Сұраншыға» және «Жұмыққа» атты өлеңдерін оқыды. Сонымен қатар, шара барысында «Тұлғаны тап» ойыны ойнатылып, соған қатысты сұрақтар қойылып,Сүйінбай Аронұлының кітаптарына шолу жасалды. Әдеби сағатымызды қорытындылау мақсатында инновациялық колледжінің қазақ тілі мен әдебиет пәнінің мұғалімі Кабазова Риза Набиқызына сөз берілді. Кешімізді ІІІ курс студенті Әлімбек Гүлнұрдың орындауында «Домбыра» атты әсем әнмен аяқтадық. Шараға 18 адам қатысты.

«Жол ережесін есте сақта» тәрбие сағаты

2025 жылы 10 ақпан Мойнақ ауылдық №6 кітапхана филиалында «Жол ережесін есте сақта» атты тәрбие сағаты өтті. Мақсаты: Оқушылардың ойлау, пайымдау, еске сақтау, логикалық ойлау дағдыларын дамыту, өз қауіпсіздігіне жауапкершілікпен қарауға, қауіпсіздік ережелерін сақтауға тәрбиелеу.