Шынықсаң шымыр боласың

2020 жылдың тамыз айының 27 жұлдызында сағат 11-00 де «Талдықорған қаласының орталықтандырылған кітапханалар жүйесіне» қарасты Еңбек ауылдық №4 кітапхана филиалының ұйымдастыруымен «Ауылдың ардақты тұлғалары» жобасы аясында«Шынықсаң шымыр боласың»тақырыбында спорт шебері, бапкер Қабдуллаев Мақсатпен онлайн кездесу өтті. Мақсатымыз: жастардың спортқа деген қызығушылығын арттыру. Салауаттану – адам жанының да, тәнінің де тазаруы, денсаулығының нығаюы, салауатты өмір салтын ұстауға, өскен ортадан тек қана жақсы әдеттерді бойына сіңіруге баулу. Оқырман қойған сұрақтарға жауап беру.

Ғылым таппай мақтанба

Еңбек ауылдық №4 кітапхана филиалы 2020 жылдың қыркүйек айының 2 жұлдызында Абай Құнанбайұлының 175 жылдығына орай қашықтықтан Абай тақпақтарын оқуды жалғастырды.«Ғылым таппай мақтанба»тақпағын Еңбек ауылдық кітапханасының тұрақты оқырманы Кажанова Карина жалғастырды. Мақсаты: Ұлы ақынның даналығын, рухани асыл мұраларын насихаттап, өлеңдерін, әндерін мәнерлеп айтқызу. Көркем сөйлеуге, өз бетімен іздене білуге, шығармашылықпен жұмыс істеуге көмектесу.

«Әбу Насыр Әл-Фараби 1150 жыл»

Қыркүйек айының 8-ші жұлдызында қалалық орталық балалар кітапханасының ұйымдастыруымен фейсбук желісінде ақын, журналист, Жетісу газетінің тілшісі Қажет Андаспен Әбу Насыр Әл-Фарабидың 1150 жыл толуына орай онлайн кездесу өткізілді.Мақсаты:оқырмандарға Аристотельден кейінгі екінші ұстаз Әл-Фарабидің өмірі, еңбек жолы туралы түсінік беріп, ғұламаның жаң-жақты ерекше тұлға болғандығын анықтау. Кездесу барысында оқырмандар тарапынан 58 сұраққа тұшымды жауап берілді. 187 оң пікірлер жазылып, 2602 қаралым болды. https://www.facebook.com/100022548073225/videos/796831174411811/?extid=Sy4GcylVe98Ltveh

«Туған жер-арайлы аймақ, киелі өлке»

2020 жылдың 10 қыркүйек күні сағат 15-00 де республикалық, облыстық, қалалық жыр мүшәйраларының жеңімпазы Азамат Нұрмұханмен «Туған жерге тағзым» жобасы аясында «Туған жер-арайлы аймақ, киелі өлке» тақырыбында онлайн кездесу Өтенай ауылдық №5 кітапхана филиалының ұйымдастыруымен өткізілді. Эфир барысында А.Нұрмұхан өзінің өмірі мен шығармашылығына кеңінен тоқталды. Сонымен қатар ақын бірнеше жаңа өлеңдерін оқыды. Оқырмандар тарапынан қойылған көптеген сұрақтарға жауап беріліп, желі оқырмандары ақынға шығармашылық табыстар тілеп, жылы лебіздерін білдірді. Мақсаты: Жетісулық жерлес ақындарымыздың шығармаларын оқырмандарға насихаттау. ​

Өлең - сөздің патшасы

3-ші қыркүйек сағат 11.00-де фейсбук парқшасында «Талдықорған қаласының орталықтандырылған кітапханалар жүйесі» №8 кітапхана филиалының (Учхоз ЗВТ) кітапханашысы А. Қадырова Алматы облыстық «Жетісу» газеті бас редакторының орынбасары, ҚР Мәдениет қайраткері, ҚР Ақпарат саласының үздігі Әміреев Жұматай Оспанұлымен «Өлең – сөздің патшасы» атты тақырыбында онлайн кездесу өткізді. Эфир барысында Жұматай Әміреев ұлы ақын Абай Құнанбайұлының шығармашылығы туралы толық мағлұмат беріп, Абай атамыздың өлең шумақтарын оқырман қауымға оқып, тарту етті. Мақсаты: Жастарды ұлы кемеңгер ақын Абай Құнанбайұлының шығармаларымен таныстыру, ақынның өлеңдері мен қарасөздерінің мағынасын түсіндіре отырып адамгершілікке, еңбекқорлыққа, адалдыққа баулу, білімге деген құштарлығын арттыру.