Туған жер, туған ел деген екі ғана сөзде қаншама мағына, қаншама ой жатыр десеңізші?! Туған жердің қадірін әр адам әрқалай түсінеді. Туған жер қадірі дүниедегі ең ұлы деген нәрсемен пара-пар. Туған жер арқылы еліңнің өткені мен болашағын байланыстыра аласың.

 Осы орайда Талдықорған қалалық  орталықтандырылған кітапханалар жүйесіне қарасты  3-ші бөлімшедегі №7 кітапхана филиалының ұйымдастыруымен 2020 жылы 25 тамыз   күні сағат 11-00-де  фейсбук парақшасында өнер  сүйер қауым үшін Т.Жүргенов атындағы Қазақ Ұлттық Өнер Академиясының түлегі, Б.Римова атындағы Талдықорған драма театрының актеры Нұров Мейіржан Бақытбекұлымен «Туған жерге тағзым» жобасы аясында «Театр-өнер ордасы»  тақырыбында онлайн кездесу өтті.              Мақсаты-өнерге деген қызығушылықты арттыра отырып, оның түрлерімен таныстыру, сонымен бірге құрметтеуге, бағалауға тәрбиелеу. Сондықтан әр азамат өз елінің патриоты болу үшін тиісті шарттарды есте ұстап жүруі, оның мәнін түсінуді кейінгі ұрпаққа үйрету әр азаматтың парызы. Онлайн кездесу барысында: оқырмандар  тарапынан  қойылған  сұрақтарға  тұжырымды жауап берді.