ҚР Тұңғыш Президенті Н.Ә Назарбаевтың «Болашаққа бағдар: рухани жаңғыру» атты  мақаласын жүзеге асыру аясында 2019 жылы 12 тамыз күні 3-ші бөлімшедегі  №7 кітапхана филиалының оқу залында  ауылымыздың шағын шаруашылық  иелерінің арасында  «Еңбек – бәрін жеңбек» деген тақырыпта кездесу кеш өтті. Мақсаты: Оқушыларды еңбекке баулу, үлкендердің еңбегін бағалау,  күделікті тұрмыстағы заттардың бәрі еңбек арқылы келетінін түсіндіру, ой - өрісін, сана- сезімін, дүниетанымын дамыту, мейірімділікке, еңбекқорлыққа  адалдыққа, Отанын, елін, жерін сүйетін патриоттар тәрбиелеу болып табылады. Іс- шара барысында: Сөз кезегін алған шағын шаруашылық иелері  Мирамгүл мен  Светлана апайларымыз былай деп сөзін қортындылады. Еңбек – адамға өзінің тұтынушылығын қамтамасыз етуге қажетті бүкіл заттар жиынтығын жасайтын адам әрекетінің негізгі формасы, сана- сезімін, ой- өрісін, сөйлеу тәрізді қасиеттерін қалыптастыратын шешуші күш  болып табылатыны жайлы сөз етті. Адам  еңбек арқылы табиғатқа және  қоршаған ортаға әсер етеді, -деп тоқталып өтті. Сондай – ақ, осы кеште оқушылар қонақтарға көңілдеріндегі көптеген сауалдар қойып, тұжырымды жауап алды. Іс- шара соңында оқушылар келген қонақтарға арнап еңбек туралы өлеңдерін жатқа мәнерлеп оқыды және  мақал - мәтел айтып жарысты.