Қош келдің, Жаңа жыл

3-ші бөлімшедегі №7 кітапхана филиалы ұжымының ұйымдастыруымен 2019 жылы 30 желтоқсан күні сағат 10-00 де «Қош келдің, Жаңа жыл» атты ауыл бүлдіршіндері мен төменгі сынып оқушыларына арналған ертеңгілік өтті. Бүлдіршіндер мен оқушылар жаңа жылдық ертеңгілікке әр түрлі кейіпкердің киімдерін киіп келді. Жаңа жыл мерекесімен кітапхана меңгерушісі К.Табылдинова бүлдіршіндер мен оқушыларды, ата- аналарды құттықтап, ізгі тілегін білдірді. Жаңа жылдық шыршаның шамы жағылған сәтте мұнда жиналған оқушылар, бүлдіршіндер ата- аналар Жаңа жыл иесі Аяз ата, Ақшақармен бірге қол ұстасып жасыл шыршаны айнала билеп «Аппақ, аппақ жапалақтап қар жауады», «Аяз ата», « Қыс қызығы», «Зырлайды шанамыз» , «В лесу родилась елочка» т.б. жырлар жырлады. Барлық балалар жаңа жылдық костюмдер киіп, Аяз ата мен Ақшақарға арнап үйден дайындап келген әсем әндері мен билерін, тақпақтарын орындады, өнерлерін көрсетті. Алдымен ескі жыл доңызды шығар...

Марапаттау рәсімі

2019 жылдың 26 желтоқсан күні В.Маяковский атындағы қалалық орталық кітапханасында жаңа жыл мерекесі қарсаңында кітапхана ұжымымен салтанатты жиын өтті. Талдықорған қаласы әкімінің орынбасары Арзанбекова Сәуле Аманбайқызы, Талдықорған қаласының Мәдениет және тілдерді дамыту бөлімінің басшысы Мұқышева Эльмира Кенжеғалиқызы, Орталықтандырылған кітапханалар жүйесіКММ-нің директоры Сейтжанова Күлпан Калкенқызы ұжымды жаңа жыл мерекесімен құттықтап, ұжым 2019 жылғы кітапханажұмысының жетістіктеріне арналып дайындалған слайдпен танысты. Жиын соңында Талдықорған қаласы әкімінің орынбасары Арзанбекова Сәуле Аманбайқызы Қазақстан Республикасының Ұлттық Академиялық кітапханасының «Кітапхана ісінің шебері» төсбелгісімен Еңбек ауылдық кітапханасының меңгерушісі Альбиланова Назгүл Досайқызын, Қазақстан Республикасының Ұлттық кітапханасының «Кітапхана ісінің үздігі» төсбелгісімен қалалық балалар кітапханасының кітапханашысы Үзембаева Рая Қаниқызын марапаттады. Жиын соңы Талды...

"Өлең, мен сені әлдилеп өтем..."

2019 жылдың 25 желтоқсан күні В. Маяковский атындағы қалалық орталық кітапхананың оқу залында Қазақстан Республикасының Тұңғыш Президенті –Елбасы Н.Ә.Назарбаевтың «Ұлы даланың жеті қыры» бағдарламалық мақаласы аясында Талдықорған қаласының «Білім» және Талдықорған қаласының Сервис және Технология колледжінің білімгерлерінің қатысуымен қазақ ақыны, халық жазушысы, журналист, Қазақстан Республикасы Парламенті Мәжілісінің I және II шақырылымдарының депутаты, асау арын, дара дарын, тума талант иесі Фариза Оңғарсынованың 80 жылдығына арналған «Өлең, мен сені әлдилеп өтем..» атты поэзия кеші өткізілді. Кешке құрметті қонақ ретінде «Ардагер әжелер» ансамблінің белді мүшесі, әншісі, бишісі, Талдықорған қаласының құрметті азаматы Шара Бүркеқызы қатысып, «Жақсы көру», «Фариза» әндерін тарту етті. Білімгерлерде қалыс қалмай Фариза апайымыздың керемет өлең жолдарын оқып, домбырамен өлең айтып, келген қонақтарды тамсандыр...

Қош келдің, Жаңа жыл

2019 жылдың 25 желтоқсан күні № 8 кітапхана филиалында (Учхоз ЗВТ) жаңа жыл мерекесіне арналған «Қош келдің, Жаңа жыл!» атты жаңа жылдық шырша 3-14 жас аралығындағы балалар арасында өткізілді. Балалар жаңа жылдық шыршаны айналып, өлеңдер айтып, би биледі. Аяз ата мен ақша қарды шақырып, Аяз атаға өздері дайындаған тақпақтарын айтып, өнерлерін көрсетіп, түрлі ойындар ойнады. Аяз ата өнерлерін көрсеткен балаларға сыйлықтарын берді. Ауыл тұрғыны Искакова Загорья ұйымдастырушыларға алғысын айтып, батасын берді. Шыршаға қатысушылар шырша жанында естелікке суретке түсіп, жаңа жылдық сыйлықтарын алып мәз-мейрам болып, үйлеріне тарқасты. Шырша кеші өте көңілді өтті. Шараға 78 адам қатысты.

Туа біткен дара ақын

2019 жылдың 24 желтоқсан күні Учхоз (ЗВТ) № 8 кітапхана филиалында Қазақстанның халық жазушысы, ақыны Фариза Оңғарсынованың 80 жылдығына орай «Туа біткен дара ақын» атты поэзия кеші оқырман қауымы арасында өткізілді. Мақсаты: Поэзия патшайымы Қазақстанның халық жазушысы Мемлекеттік сыйлықтың лауреаты, қоғам қайраткері Фариза Оңғарсынованың өнегелі өмір жолын, өнерін, өр мінезін, асқақ рухын оқырмандарға насихаттау. Поэзия әлеміне, сөз өнеріне сүйіспеншілігін арттыру. Аяулы ақын апамызға деген оқырмандар махаббатын одан әрі үстей түсу. Фариза Оңғарсынованың досы, сенері, мұңдасы, сырласы, атар оғы, берер дәрі-дауасы поэзиясы болғанын көреміз. Фариза апамыздың қысқаша өмірбаяны туралы тоқталып өттік. Поэзия кешінің қонағы Самал Тұрсынбайқызы Дүйсенбинова Фариза апамыздың « Анама » атты өлеңін оқып, оқырмандарға тарту етті. Оқырмандар өз-ой, пікірлерімен бөлісіп поэзия кеші өте тартымды өтті.