Аты әлемге мәшһүр жазушы Ілияс

Өтенай ауылдық №5 кітапхана филиалында 27 қаңтар күні кітапхана оқырмандары арасында көрнекті жазушы І.Есенберлиннің туғанына 105 жыл толуына орай «Аты әлемге мәшһүр жазушы Ілияс» атты әдеби вернисаж өтті. Оған №21 мектептің жоғары сынып оқушылары. Мақсаты: Оқушыларды қазақ халқының дара тұлғасы, ұлы жазушы Ілияс Есенберлиннің бай шығармашылығымен таныстыру. Оқырмандардың шығармашылық ізденістерін қалыптастыру. Жазушының халқына қалдырған шоқтығы биік туындыларына шәкірт жүрегінде сүйіспеншілік сезімін ояту, шығармашылығымен таныстыру. Шара барысында жазушының өмірі мен шығармашылығына кеңінен тоқталып өттік. Осы жылы қара сөздің хас шебері, қазақ әдебиетіндегі тау тұлғаның мерей тойы екені айтылып, жазушы туралы интернет желісінен алынған оның өмірінде болған қызықты жайттардан тұратын 20 дерекпен таныстық. Сонымен қатар шараға арнайы жазушының шығармаларынан әдеби вернисаж ұйымдастырылып, әр кітабына жеке-жеке тоқталып, библиографиялық шолу жасалды. Шарға 25 адам қатысты.

Ауғаныстан-жүректегі жазылмас жара

2020 жылдың 06 ақпанында В.Маяковский атындағы қалалық орталық кітапхананың оқу залының «Алау» коворкинг орталығында Талдықорған қаласының № 12 орта мектебінің 8 сынып оқушыларының қатысуымен Совет әскерінің Ауғанстаннан шығарылуына 31 жыл толуына орай «Ауғаныстан-жүректегі жазылмас жара» атты слайд-шоу өткізілді. Шараның мақсаты: Ауған оқиғасының тарихи мағынасын ашу,ардагерлердің ерлігін дәріптеу, жастарды Отансүйгіштікке, ерлікке баулу. Оқушыларды патриоттыққа, рухани адамгершілікке, тәуелсіз еліміздің білікті де, білімді азаматтары болуға,аға буын өкілдерін құрметтеуге тәрбиелеу. Шарада кітапханашы А.Мұсағалиева «Ауғаныстан-жүректегі жазылмас жара» атты слайд, бейнероликтер көрсетті. 8 сынып оқушылары Ауған соғысы ардагерлеріне арналған өлең жолдарын оқыды.

Менің отбасылық кітапханам

Ерінбей оқып көруге – деп ұлы Абай айтқандай кітап оқу мәселесі – бүгінгі таңда барлығымызды ойландыру керек. Рухани бай болуымыз кітап оқуға тікелей байланысты. Балаларды кітап оқуға тартуға үлкен әсер ететін ең маңызды әрі басты институт – отбасы. Балалардың кітап оқуға деген көзқарасы, олардың оқырмандық мәдениетінің артуы көп жағдайда отбасыдан алған үлгіге байланысты.Осыған орай орталық балалар кітапханасында төменгі сынып оқушыларына қызмет көрсету бөлімінде 4 ақпан күні ұлттық мәдени, отбасылық құндылықтарды насихаттауға арналған «Менің отбасылық кітапханам» атты отбасылық кітап көрме ұйымдастырды. Мақсаты: қоғамда болып жатқан түрлі жағдайларды саралап, бала бойында адамгершілік, имандылық тәрбиені қалыптастыру, мейірімділікке, сүйіспеншілікке, ата-анасын құрметтеуге баулу, оқушыларға кітапқа деген қызығушылығын ояту, кітап оқуға ынталандыру арқылы шығармашыл, әлеуметттік бейімделген жеке тұлғаны дамытуға жол ашу, ойлауға, білуге құмарлығын дамыту,...

«Әл-Фараби – шығыстың ғұлама ғалымы»

Еңбек ауылдық №4 кітапхана филиалында 2020 жылдың ақпан айының 3 жұлдызында №22 мектептің кітапханашысы Искакова Аниямен біріге отырып, 9 сынып оқушыларымен «Әл-Фараби – шығыстың ғұлама ғалымы» атты әдеби вернисаж өткізілді. Мақсаты: оқушыларға Аристотельден кейінгі екінші ұстаз Әл-Фараби өмірі, еңбек жолы туралы түсінік беріп, ғұламаның жан-жақты ерекше тұлға болғандығын анықтау мақсатында ізденіс жүргізу. Халқымызға білімнің, ілімнің нәрін сепкен аса ірі тұлға Әбунасыр әл-Фараби мұраларынан нәр алып, оқушыларды туған жерге деген сүйіспеншілікке, адамгершілікке, қасиетті нәрселерді қадір тұтуға тәрбиелеу. Кітапханашы Н.Албиланова балаларға қазақ ойшылдық тарихындағы дара тұлғаның филасофия, таным теориясы, музыка, логика, жан, саясат пен этика туралы пәлсапалық ойлары-ұрпақтан ұрпаққ мұра болар ой қазынасы екенін айтып өтті. Балалар ұлы ғұламаның өмір жолдарынан шағын мәліметтер оқып, тақпақтарын айтты. Шараға 23 бала қатысты.

Ауған қасіреті

Қалалық орталық балалар кітапханасының жоғарғы сынып оқушыларына қызмет көрсету бөлімінде ақпан айының 3-ші жұлдызында Кеңес әскерлерінің Ауған жерінен шығарылғанына 31 жыл толуына орай №2мектептің 6 а сынып оқушыларымен «Ауған қасіреті» атты тарихи круиз өткізілді. Мақсаты: Еліміздің ауған соғысы ардагерлерінің мерекелерін атап өту қарсаңында «Ауған ақиқатында» және де кешегі ауған соғысының тарихына шолу жасау. Оқушыларымызды ата-бабаларымыздың тәуелсіздік жолындағы ерлігін насихаттау, Отанды, елін сүюге, халқына адал қызмет етуге тәрбиелеу.Шара барысында кітапханашы Ф.Жакупова «Ауған ақиқаты» атты баяндама оқып, Г.Майлянова оқушыларға Ауған соғысы жайында мағлұматтар беріп, «Интернационалдық борыш» атты деректі фильм көрсетілді. Ары қарай оқушылар Ауған соғысы жайлы жаттап келген өлеңдерін оқыды. Шараға 35 оқырман қатысты.