Мұқағали-жыр мен ән қанатында

2021 жылдың 03 ақпанында В.Маяковский атындағы қалалық орталық кітапханасы «Жыр жұлдыздары» клубының қатысуымен қазақтың қара өлеңін кие тұтқан, жүрегінің түбінен қайнап шыққан асыл жырларымен қалың жұртшылықтың махаббатына бөленген Мұқағали Мақатаевтың 90 жылдығына «Мұқағали-жыр мен ән қанатында» атты поэзия сағатын өткізді. Мақсаты: Мұзбалақ ақын Мұқағалидың өмір жолын бүгінгі ұрпаққа жеткізе отырып, шығармаларын дәріптеу,ақынның өлеңдерін бүгінгі жастардың жантая жатып оқитын кітабына айналдыруға себеп болу. Шара барысында клуб мүшелері ақынның шығармашылығынан өлеңдерін оқыды. Кітапхана қызметкерлері ақынның өмірінен сыр шертіп, слайд-шоу көрсетті.

Күй анасы-Дина Нұрпейісова

2021 жылы 27 қаңтар күні 3-ші бөлімшедегі №7 кітапхана филиалының ұйымдастыруымен қазақтың күйшілік өнеріне өшпес із қалдырған біртуар дарын иесі Дина Кенжеқызы Нұрпейісова әжеміздің туғанына 160 жыл толуына орай «Күй анасы-Дина Нұрпейісова» атты слайдты фейсбук, инстаграм, вк парақшаларынан әлеуметтік желі қолданушылар назарына ұсынып отырмыз. Мақсаты: Күйші Дина Нұрпейісова әжеміздің өмірбаяны, күйлерінің шығу тарихымен таныстыру, ұлттық өнердің құндылығын насихаттау, жас тұлғаның күй ойнау шеберлігін арттырып, есте сақтау қабілетін және сауаттылығын жетілдіру дамыту, күйлері арқылы оның тәрбиелік маңызынжеткізу, дүниетанымын кеңейту. Өнер адамын құрметтеуге тәрбиелеу.

Қашықтан оқу

Қазақ поэзиясында үлкен қолтаңба қалдырған, Жетісудың лирк ақыны Мұқағали Мақатаевтың туғанына 90 жыл толуына орай 3-ші бөлімшедегі №7 кітапхана филиалының ұйымдастыруымен 2021 жылы 06 қаңтар күні әлеуметтік желі қолданушылардың назарына фейсбук, инстаграм, вконтакте парақшаларынан №28 ІТ мектебінің оқушысы Бердімұрат Баянсұлу Мұқағали Мақатаевтың «Қыс келген күні» өлеңін қашықтан оқуды бастады. Мақсаты: Ақынның өмірі, шығармашылығыментаныстыру,поэзиясы менәндері арқылы оқушылардың Отанға, халқына, тілге деген сүйіспеншілік сезімдерін ояту, отаншылдыққа тәрбиелеу.

"Табиғат әлемі"

Қаңтар айының 22-ші жұлдызында қалалық орталық балалар кітапханасында төменгі сынып оқушыларына қызмет көрсету бөлімінде «Табиғат әлемі» атты онлайн библозообақ ұйымдастырылды.Мақсаты: балаларды табиғатты аялауға баулу, экологиялық тәрбие беру. Табиғаттың тіршілігіне және қоршаған ортаны қорғауға деген жоғарғы адамгершілік сезімдері мен жауапкершілігін дамыту. Өз елінің, жерінің табиғатын қорғай білуге тәрбиелеу. https://www.facebook.com/100022548073225/videos/897825734312354/ https://www.instagram.com/tv/CKUXuf4nmpG/?igshid=3oker4a4sdps

"Ертегі сыр шертеді"

Кітап оқу арқылы оқырмандардың сөздік қорын, рухани байлығын, ой – өрісін дамыту. балаларды адамгершілікке, Отан сүйгіштікке, еңбекқорлыққа баулу мақсатында қаңтар айының 18-ші жұлдызында қалалық орталық балалар кітапханасында төменгі сынып оқушыларына қызмет көрсету бөлімінде «Ертегі сыр шертеді» атты кішкентай бүлдіршіндерге арналған кітап көрмелері ұйымдастырылды.