"Коворкинг"

Қыркүйек айының 19 күні Талдықорған қалалық №2 кітапхана филиалында коворкинг орталығында "Бос уақытты тиімді пайдалану" атты ойын сабағы өтті.Мақсаты:балалар сабақтан бос уақытта өз уақыттарын зая кетірмей,тиімді пайдалана алуы,шахмат,тоғызқұмалақ ойындарын ойнай отырып,математикалық логиканы жетілдіру,кітапханаға қызығушылықтарын арттыру.

"Қазақ әдебиетінің тарланы"

022 жылдың 19 қыркүйек күні В.Маяковский атындағы қалалық орталық кітапханасының оқу залында Талдықорған қаласының № 27 орта мектеп-гимназиясының 6 сынып оқушыларымен қазақтың дара жазушысы, қоғам қайраткері, ғұлама ғалым, Қазақстан ғылым академиясының академигі Мұхтар Омарханұлы Әуезовтің туғанына 125 жыл толуына орай «Қазақ әдебиетінің тарланы» атты дивертисмент кеші өткізілді. Мақсаты: Мұхтар Әуезовтің өмір жолы мен жазушылық қызметінен, шығармашылығынан мағлұмат беру. Жазушының әлемдік мәдениетке қосқан үлесі туралы оқушылардың білімдерін жүйелеу. Оқушылардың өзіндік ізденіс жұмыстарына баулу,ой-өрісін, рухани жан дүниесін байыту. Ойын ашық білдіру, еркін сөйлеу дағдыларын жетілдіру. Әлем таныған Әуезовтың ұлылығын дәріптеу. Қазақ елінің мақтанышына айналған заңғар жазушыны құрметтеуге, оқушыларды елін сүюге, әдебиетті білуге тәрбиелеу.

Латын әліпбиі – жаң көшке бастар керуенбасы

Еңбек ауылдық №4 кітапхана филиалы 2022 жылың қыркүиек айының 14 жұлдызында №22 мектептің 8 сынып оқушылары арасында«Латын әліпбиі – жаң көшке бастар керуенбасы»атты сторителлинг өткізді. Латын әліпбиінің біздің отанымыздың әлемдегі дамыған 30 елдің қатарына қосылу талабының орындалуы жолында маңызды роль атқаратыны сөзсіз екенін айта отырып, балалардың да латын әліпбиін жақсы меңгеріп, Отанымызға өз үлесін қосатын азаматтар болып шығатынына сенім бңлдірдік. Мақсаты: Латын әліпбиіне көшудің маңыздылығы туралы терең мағлұмат беру, қоғамдық пікір қалыптастыру. Қоғамда өздерін көрсете және өз еліне пайдалы бола алатын, Жаңа Қазақстандық Патриотизмнің құндылықтары мен мұраттары жүйесін иеленетін патриот ұрпақ тәрбиелеу.

«Ұлтын ұлықтаған ұлы тұлға»

Еңбек ауылдық №4 кітапхана филиалы 2022 жылың қыркүиек айының 7 жұлдызында «Бір ел – бір кітап» республикалық акциясына - мемлекет қайраткері, ғалым, ақын, публицист, ағартушы және реформатор Ахмет Байтұрсынұлының ғылыми және әдеби шығармашылығы таңдалып алынды, осыған орай №22 мектептің 8-9 сынып оқушылары арасында«Ұлтын ұлықтаған ұлы тұлға»(А.Байтұрсыновтың туғанына 150 жыл) атты тұлғалық кеш өткізді. А.Байтұрсынұлының жүріп өткен жолы, еңбектері жайлы мағлұматтар беріліп, ақынның өлеңдері оқылды.Мақсаты:Ахмет Байтұрсынұлының өмір жолы, қызметі, шығармашылық еңбегі, қоғам қайраткері, әнші-композитор, күрескер, ғалым ретіндегі бет-бейнесін ашып көрсету.

"Қазақ санасының шамшырағы"

2022 жылдың 13 қыркүйек күні В.Маяковский атындағы қалалық орталық кітапханасының оқу залында ірi ғалым-лингвист, әдебиет зерттеушi, тюрколог, дарынды ақын - аудармашы Ахмет Байтұрсыновтың туғанына 150 жыл толуына орай Талдықорған қаласының Жоғарғы политехникалық колледжінің білімгерлерінің қатысуымен «Қазақ санасының шамшырағы» атты оқырман конференциясы өткізілді. Аталмыш іс-шараға кітапхананың тұрақты оқырманы, зейнеткер-Жайдақбаев Тұрғайын, «Ардагер әжелер» ансамблінің белді мүшесі, әншісі, бишісі, Талдықорған қаласының құрметті азаматы-Шара Бүркеқызы қатысты. Шара барысында Ахмет бабамыз жайлы қызықты мәліметтер айтылып, мысалдарынан үзінді оқылды. Сонымен қатар әнші Шара Бүркеқызы «Аққұм» атты әнін орындады. Мақсаты: тарихи өмірінде орны айрықша зор тұлға-Ахмет Байтұрсынұлының халықтық тәлім-тәрбиелік ойларының негізінде оқушылар бойына адамгершілік, ұлтжандылық, отансүйгіштік қасиеттерді дарыту; ақын, қоғам қайраткері, педагог-ұстаздың құнды...