"Қазақстан ұлы елім,тәуелсіздік тірегім"

16 желтоқсан ҚР Тәуелсіздігі күніне орай қалалық №2 кітапхана филиалы желтоқсан айының 15 күні «Қазақстан ұлы елім, тәуелсіздік тірегім» атты ақпарат сағатын ұйымдастырды. Мақсаты: оқушыларды Отанын сүюге, елін, жерін қорғауға тәрбиелеу; еліміздің тәуелсіздік алу жолындағы ата-бабаларымыздың ерлігін паш ету, желтоқсан құрбандарының ерлігін үлгі етіп көрсету.

"Тәуелсіздік-елімнің ерлік жолы"

Өтенай ауылдық №5 кітапхана филиалында 15 желтоқсан күні «Тәуелсіздік- елімнің ерлік жолы» атты тарихи сағат кітапхана оқырмандарымен өтті. Мақсаты -жастарды еліміздің тарихи кезеңдеріндегі жүріп өткен жолы мен тәуелсіздігі жолында күрескен ерлердің қаһармандығын мақтан тұтуға тәрбиелеу. Шараға Желтоқсан оқиғасының күәгері Қ.Байсейітов атындағы саз колледжінің әдіскері Кенжебеков Қайрат Кенжебекұлы шақырылды. Аталмыш шара аясында Қайрат Кенжебекұлы оқырмандарға сонау тарих қойнауына кеткен 1986 жылғы 16 желтоқсан оқиғасы туралы әңгімелеп берді. Оқушылар өздерін қызықтырған сұрақтарын қойды.

«Тәуелсіздік – баға жетпес байлығым»

Қалалық орталық балалар кітапханасы төменгі сынып оқушыларына қызмет көрсету бөлімі 2022 жылдың желтоқсан айының 14-ші жұлдызында Тәуелсіздік мерекесіне орай «Тәуелсіздік – баға жетпес байлығым» атты ертеңгілік ұйымдастырды. Шараға № 2-ші орта мектептің 4-ші «Ә» сынып оқушылары қатысты. 1986 жылғы «16 желтоқсан оқиғасы» негізінде жасалған бейнеролик көрсетіліп, оқушылар дайындаған театрландырылған «Жер бесікті тербетем», «Бес арыс», «Елім-ай», «Түрме жыры» қойылымдары көрсетілді. Сонымен қатар оқушылар патриоттық тақырыпта өлеңдер оқып, ән де шырқады. Мақсаты: Еліміздің тәуелсіздік алу жолындағы ата-бабаларымыздың ерлігін паш ету, оқушыларға желтоқсан құрбандарымен, желтоқсан оқиғасына қатысқан аға-апалардың ерлігін үлгі етіп көрсету. Туған өлкемізге деген сүйспеншілігін, сезімдерін ояту, елін, жерін сүюге, Отаның қастерлеуге, шыншылдыққа тәрбилеу.

"Желтоқсанда үзілген жауқазындар"

Учхоз (ЗВТ) №8 кітапхана филиалында 2022 жылы желтоқсан айының 13 -ші жұлдызы күні көпшілік оқырман арасында, желтоқсан көтерілісі күніне орай "Желтоқсанда үзілген жауқазындар" тәрбие сағаты өтті. Мақсаты: Елін, жерін,тілін құрметтейтін, өз отанын сүйетін азамат қалыптастыру, от жүректі, өжет мінезді ұл - қыздардың ерлік істеріне мәңгі құрмет көрсетуге баулу, патриоттық сезім қалыптастыру, желтоқсан құрбандарын еске алып құрметтеуге тәрбиелеу.

Жемқорлыққа жол жоқ

Қазіргі таңдағы мәселелердің бірі-қоғамдағы сыбайлас жемқорлық. Осы келеңсіз құбылыстың үдеп бара жатқаны ұрпақ тәрбиесіне зиян әкелетіні бәрімізді алаңдатады. Сыбайлас жемқорлық ел болашағына, ұлттық қауіпсіздікке үлкен зиянын тигізуде. Осы келеңсіз құбылыспен күресу барша халықтың алдында тұрған ортақ мәселе екені айқын. «Парасат жолы» орталығының «Адалдық алаңы» жобасы аясында 9 желтоқсан-Халықаралық сыбайлас жемқорлықпен қарсы күрес күніне орай 3-ші бөлімшедегі №7 кітапхана филиалында 2022 жылы 9 желтоқсан күні «Жемқорлыққа жол жоқ» деген тақырыпта студенттер мен жасөспірімдер арасында шок-урок өтті. Іс-шара барысында: кітапханашы К.Жұмаділқызы сыбайлас жемқорлық-заман ағысымен бірге өсіп-өркендеп, мол қаражат және қоғамдық бәсекелестік пайда болған жерлерге тамырын жайып, бүгінгі күнге дейін жойылмай отырған кеселдің бірі. Әлемдегі барлық елдердің қай-қайсысын да қатты алаңдатып отырғаны анық. Бұрынғы өткен ата-бабаларымыз да дөп басып &laqu...