"Пейілі кең, жүрегі дархан асыл жандар" атты филантроп кеші

Еңбек ауылдық №4 кітапхана филиалында 2025 жылдың 7 ақпан күні мүмкіндігі шектеулі оқырманның қатысуымен "Пейілі кең, жүрегі дархан асыл жандар" атты филантроп кеші өткізілді. Мақсаты: Мүмкіндігі шектеулі жандардың өзге азаматтармен тең құқылы түрде ақпарат алуына, бос уақыттарын тиімді ұйымдастыруға, оқуға деген құштарлықтарын оятуға ықпал ету.

«Табиғатты қорғау – болашақты ойлау» экологиялық сағат

2025 жылғы ақпан айының 7 күні қалалық № 2 кітапхана филиалында М. Ломоносов атындағы № 5 орта мектеп - лицейінің 4 «а» сынып оқушыларымен «Табиғатты қорғау – болашақты ойлау» атты экологиялық сағаты өткізілді. Мақсаты: оқырмандардың экологиялық мәдениетің қалыптастыру, өз елінің қамын ойлайтын, табиғат байлығын көз қарашығындай қорғайтын азамат болуға тәрбиелеу. https://www.facebook.com/share/v/1ArB4vYogw/ https://www.instagram.com/reel/DFxH9bcI3TS/?igsh=MWQyNzd5enU0bTI0bQ== https://vk.com/wall452366377_3653

«Жыл кітабын бірге оқиық» ақпарат сағаты

2025 жылғы 7 ақпан күні қалалық орталық кітапханасында «Бір ел – бір кітап» акциясы аясында №16 мектептің 5 «А» сынып оқушыларымен «Жыл кітабын бірге оқиық» атты ақпарат сағаты ұйымдастырылды. Шара барысында оқырмандарға проза жанры бойынша ұлтымыздың көрнекті жазушысы, ақын, сыншы, аудармашы, суреткер Тәкен Әлімқұловтың шығармалары мен поэзия жанры бойынша мемлекеттік сыйлықтың иегері, көрнекті ақын, биыл 90 жылдық мерейтойы аталып өтетін Жұмекен Нәжімеденовтың шығармалары насихатталып, кітап көрмесіне библиографиялық шолу жасалды. Шараға 21 оқушы қатысты.

Кітапханаға саяхат

2025 жылғы 6 ақпан күні қалалық орталық балалар кітапханасының төменгі сынып оқушыларына қызмет көрсету бөлімінде «Кітапханаға саяхат» атты экскурсия ұйымдастырылды. Мақсаты: оқырмандардың кітапқа деген сүйіспеншілігін арттыру, кітаппен достастыру.

«Әлемдік ойдың алыбы» тарихи круиз

2025 жылғы қалалық орталық кітапханасында 6 қаңтар күні Аристотельден кейінгі әлемнің екінші ұстазы атанған ойшыл, философ, социолог, астроном, математик, ботаник, физик, әрі музыка саласын зерттеген Әбу Насыр Әл-Фарабидің туғанына биыл 1155 жыл толуына орай «Әлемдік ойдың алыбы» атты тарихи круиз өткізілді. Мақсаты:Оқырмандарға халқымызға білімнің, ілімнің нәрін сепкен аса ірі тұлға Әбу насыр Әл-Фараби мұраларымен таныстырып, оқушыларды туған жерге деген сүйіспеншілікке, адамгершілікке баулу. Шараға №12 мектептің 8 сынып оқушылары қатысты. Шара барысында оқушыларға ғұлама ғалымның өмірі, еңбек жолы туралы түсінік берілді. Әл-Фараби туралы жазған ғалымдардың зерттеулерімен таныстырып, оның жан-жақты ерекше тұлға болғандығы жайлы айтылды. Шараға 19 адам қатысты.