Ж.Шағатайдың "Бірінші сыныптың баласы" атты шығармасы

Бірінші сыныптың баласы [Мәтін] : [хикаяттар, әңгімелер] / Ж. Шағатай ... – Алматы : Балалар әдебиетi, 2023. - 237, [1] б. - Қазақстан Республикасы Мәдениет және спорт министрлігі "Мәдениет және өнер саласындағы бәсекелестікті жоғарылату, қазақстандық мәдени мұраны сақтау, зерделеу мен насихаттау және архив ісінің іске асырылу тиімділігін арттыру" бағдарламасы "Әдебиеттің әлеуметтік маңызды түрлерін сатып алу, басып шығару және тарату" кіші бағдарламасы бойынша жарық көрді . . – 3000+150 дана – ISBN 978-601-252-154-2 (мұқ.) : 1740 тг.

Шаймерденұлы, Е. Елтаным: тарихи-философиялық рәмізбаян.

Шаймерденұлы, Е. Елтаным: тарихи-философиялық рәмізбаян / Е. Шаймерденұлы. – Алматы: Алматы - Болашақ, 2022. – 320 б. Ел –ұлттық дүниетанымымыздағы ұлы ұғымдардың бірі. Арғықазақ сөзінен бастап күні бүгінге шейін еш өзгеріссіз қауым,қағанат, ел-жұрт,Отан,мемлекет мағынасында қолданылып келеді. Елдік мінез, елдік дәстүр, елдік намыс, елжандылық, отаншылдық тәрізді рухани құндылықтардың өзегі де-осы сөз, осы ұгым. Кітапт Қазақстан Республикасы Мемлекеттік рәміздері туралы жанжақты ғылыми-көркем пайымдау арқылы замандастарымыздың бойында мемлекеттік мұраттарға адалдық, елдік аңсарларға сүйіспеншілік және отаншылдық сезімдерін оятуға бағытталған. Тілі-шұрайлы, ділі- таза, діңі – мықты. Елдігімізге қатысты кең мағлұмат беретін терең интеллектуалдық еңбек деп бағалауға лайық тунды. Жүрек қайнарында суғарылған сөзім сөзі ретінде ажарлы hәм әсерлі.

"Парақ тайм-2024" кітап жәрмеңкесінің ашылу салтанаты

2024 жылғы 7 ақпан күні «Талдықорған қаласының орталықтандырылған кітапханалар жүйесі» КММ-нің ұйымдастыруымен Оқушылар сарайында «Парақ тайм-2024» атты кітап жәрмеңкесінің ашылу салтанаты өтті. Шара Қанабек Байсейітов атындағы саз колледжі сырнайшыларының «Ауылдағы той» атты әнімен ашылды. Жәрмеңке рәсіміне Талдықорған қаласының мәдениет, тілдерді дамыту және спорт бөлімінің бас маманы Ә.Алинов қатысып, қала тұрғындарының оның ішінде жастар мен жасөспірімдердің кітапқа деген қызығушылығын арттыру мақсатында ұйымдастырылған жәрмеңкенің маңыздылығына тоқталды. Қонаевтанушы, филолог, профессор, Қонаев музейінің меңгерушісі Х.Есдәулетова және «Егемен Қазақстан» газетінің тілшісі, ақын Мұхтар Күмісбек, ақын Азамат Нұрмұқан, Еркін ауылдық ақсақалдар алқасының төрағасы Т.Ізбасаров жәрмеңке қонақтары мен кітап жанашырларына жылы лебіздерін білдіріп, кітапхана қорына кітаптарын сыйға тартты. Кітап жәрмеңкесіне «Атамұра», «Асыл қ...

"Бір ел - бір кітап" республикалық акция

Еңбек ауылдық № 4 кітапхана филиалында 2024 жылдың 6 ақпанында "Бір ел - бір кітап" акциясы аясында қазақ прозасына өзгеше өрнек, ғажайып сыр-сипат әкелген көрнекті қазақ жазушысы, балалар әдебиетінің классигі, 2024 жылы 100 жылдығы ЮНЕСКО көлемінде аталып өтілетін, Бердібек Соқпақбаевтың қазақ балалар киносындағы классикалық туындысы "Менің атым Қожа" атты фильмі талқыланды. Мақсаты: Өскелең ұрпақтың зияткерлік-рухани дамуы мен ана тіліне деген құрметін көтеру.

«Мұқағали мәңгілік ғұмыр» поэзия кеші

6 ақпан күні В.Маяковский атындағы қалалық орталық кітапханасы «Айналайын» балалар үйінің тәрбиеленушілерімен 9 ақпан ақиық ақын Мұқағали Мақатаевтың туған күніне орай, «Мұқағали мәңгілік ғұмыр» атты поэзия кешін өткізді. Мақсаты: Ғасырлар тоғысында ғасыр ақыны атанған М.Мақатаевтың ақындық талантын шәкірт жүрегіне ұялату,сол арқылы олардың бойында поэзия әлеміне,жалпы сөз өнеріне сүйіспеншілікті берік қалыптастыру. Шара барысында ақынның өмірі мен шығармашылығы туралы бейнебаян көрсетіліп, оқушылар «Ей өмір», «Ғашықпын», «Үш бақытым», «Дос болам десең» өлеңдерін оқыды. Сонымен қатар Әжелер ансамбілінің әншісі Шара Бөркеқызы М.Мақатаевтың сөзіне жазылған Н.Тілендиевтің «Есіңе мені алғайсың» әнін орындап шараның көркін келтірді. Шараға 18 оқырман қатысты.