"Танымал қаламгерлер" атты кітап көрмесі

Еңбек ауылдық № 4 кітапхана филиалында 2025 жылдың 4 ақпан күні "Бір ел-бір кітап" республикалық акциясы аясында "Танымал қаламгерлер" атты кітап көрмесіне библиографиялық шолу өткізілді. «Бір ел - бір кітап - 2025» республикалық акциясы бойынша ел болып оқитын кітапты таңдау барысында қазақ әдебиетінің поэзия және проза жанрынан екі автордың шығармалары таңдалды. Проза жанры бойынша ұлтымыздың көрнекті жазушысы, ақын, сыншы, аудармашы, суреткер Тәкен Әлімқұловтың шығармаларын оқу ұсынылды. Поэзия жанры бойынша мемлекеттік сыйлықтың иегері, көрнекті ақын, биыл 90 жылдық мерейтойы аталып өтетін Жұмекен Нәжімеденовтың шығармалары таңдалды. Республикалық акцияның мақсаты – қазақ әдебиетін насихаттау, қоғамның кітап оқуға деген қызығушылығын арттыру, Қазақстанның әдеби мұрасын зерттеуге мүмкіндік туғызу, өскелең ұрпақтың зияткерлік-рухани дамуы мен ана тіліне деген құрметін көтеру.

"Әл-Фараби - шығыстың ғұлама ғалымы" атты әдеби вернисаж

Еңбек ауылдық №4 кітапхана филиалында 2025 жылдың 4 ақпан күні мыңжылдықтың Ұлы перзенті Әбу-Насыр Әл-Фарабидың туғанына 1155 жыл толуына орай "Әл-Фараби - шығыстың ғұлама ғалымы" атты әдеби вернисаж өткізілді. Мақсаты: Қазақстанның белгілі ғалымы туралы түсінік беру. Ғалымның еңбектері жайлы жан-жақты мағлұмат бере отырып, шығармашылығымен таныстыру.

Сөздік біздің көмекшіміз

2025 жылғы 03 ақпан күні қалалық орталық балалар кітапханасының жоғарғы сынып оқушыларына қызмет көрсету бөлімінде №2 орта мектептің 5 сынып оқушыларымен «Сөздік біздің көмекшіміз» атты библиографиялық сабақ өтті. Мақсаты: Оқушылардың сөздіктер туралы білімдерін кеңейту, олардың әртүрлілігі мен әрқайсысының мақсатын көрсету, анықтамалық басылымдармен практикалық дағдыларын бекіту, кітаппен жұмыс мәдениетін қалыптастыру, білім алушылардың ой-өрісін кеңейту.

"Тамаша таби5атты армандаймын" экология сабағы

2025 жылғы 30 қаңтар күні қалалық орталық балалар кітапханасының төменгі сынып оқушыларына қызмет көрсету бөлімінде « Тамаша табиғатты армандаймын» атты экология сабағы үйымдастырылып өтті. Мақсаты: Балаларды табиғат әсемдігін көре білуге, оны аялауға, қорғауға тәрбиелеу.

"Жемқорлықсыз қоғам-ұрпақ арманы" әңгіме сұхбат

Өтенай ауылдық №5 кітапхана филиалында 2025 жылдың 29 қаңтарында кітапхана оқырмандары арасында «Жемқорлықсыз қоғам - ұрпақ арманы» атты әңгіме сұхбат өтті. Шара барысында қоғамның ең өзекті мәселесінің біріне айналып отырған жемқорлық туралы айтылды. Мақсаты: Жемқорлықтың қоғамға тигізетін зиянын көрсету, адалдыққа, әділдікке және тазалыққа шақыру.