Наурыз- ән-күй, би, достық, ынтымақ мерекесі. Бұл күндері адамдар  біріне-бірі қошемет көрсетіп, тартуын тартады. Наурыз шығыс елдері үшін бірліктің,татулықтың, еңбектің, көктемнің, ізгіліктің, бақыттың мерекесі ретінде тойланады. Осы Ұлыстың ұлы күніне арнап  Мойнақ ауылдық №6 кітапхана филиалында 2021 жылдың 19 наурыз күні  «Қош келдің, Наурыз» атты поэзия кеші өткізілді.  Шараға №23 мектептің оқушылары, жастар қатысты. Кітапханашы Ж. Темірбекова Наурыз мейрамының  шығу тарихына тоқталып өтті. Шара ұлттық салт-дәстүр, әдет-ғұрып жайында түсінік беру. Ата-бабаларымыздың кейінгі ұрпаққа мирас еткен асыл мұрасын қадірлеп, қастерлеуге баулу. Ұлттық дәстүрдің ерекшеліктерімен таныстыру. Қазақ халқының салт-дәстүрлерін оқырмандардың бойына сіңіру мақсатында өткізіліп, Наурыз, көктем, Отан, Туған жер туралы өлеңдер оқылып, әндер шырқалды.