2019 жылдың  21 қарашасында №8 кітапхана филиалында (Учхоз ЗВТ ) «Тілде  ұлттың жаны бар» атты дөңгелек  үстел  өтті. Мақсаты: Оқырмандарға  ана  тілін  білудің  маңызын  түсіндіріп, ана  тілі туралы  өлеңдер, нақыл  сөздер, мақал-мәтелдер, шешендік  сөздер  айту арқылы  сөздік  қорын  молайту, тіл  байлығын дамыту. Ана тілін сүюге, ардақтай білуге тәрбиелеу, өз ойын толық жеткізе алатын білімді, саналы, салауатты, жан-жақты  рухани  бай  жеке  тұлға  тәрбиелеу. Жүсіп Баласағұн  бабамыз  айтқандай  кез-келген  мемлекеттің,  елдің ең негізгі рәмізі  де,  ұраны  да, тірегі  де  сол  елдің  ана  тілі  болмақ.  Біздің  ана  тіліміз – қазақ тілі. Біздің отанымыз – Қазақстан. Қазақстан Республикасының өз елтаңбасы,  әнұраны,  туы  бар. Сонымен  қатар  өз  тілі  бар. Тіл – халық  тарихы, тіл – ұлттық қазына, тіл – біздің  намысыз, арымыз, байлығымыз, барымыз. 1989 жылы 22 қыркүйекте  Қазақстан  республикасының  тіл  туралы заңы  қабылданды. Ол 1997 жылы  қайта  өңделіп  шығарылды. Ол 6 тарау, 22 баптан  тұрады.  Оның  4 - ші  бабында  қазақ тілі – Қазақстан республикасының мемлекеттік тілі делінген. Біз енді, туған еліміздің тілін ардақтап, сол тілде  сауатты  жазып, ойымызды  жеткізе  білсек  нұр  үстіне  нұр емес  пе? – деп тоқталып  өтті. Шараға 10 адам қатысты.