Спорт – барлық тәрбие атаулының бір саласы. Оның түп қазығы – қозғалыс, ал қозғалыссыз тіршілік жоқ. Спорт сөзінің мағынасы кең. Дене тәрбиесі соның құрамдас бөлігі, дәлірек айтқанда бастапқы баспалдағы. Онымен тұрақты шұғылданған адамның денсаулығы мықты, зор болмақ. Бірінші байлық – денсаулық, ал сол денсаулықтың кепілі – спорт. Осы орайда,  14 қараша күні В.Маяковский атындағы қалалық орталық кітапхананың оқу залында кітапхана оқырмандарының қатысуымен «Қазақстан-спортшылар елі» атты кітап көрмесі өткізілді. Кітапханашы Л.Бейсембаева  оқырмандарға спортшылар туралы мағлұмат беріп,  белгілі спортшылардың өмірі мен жетістіктері туралы ақпарат берді. Сонымен қатар көрмеге:  «Қазақ балуандары», «Спорт - ғұмыр», «Қазақстан-спортшылар елі», «Александр Винокуров: Олимпийский путь», Талғат Төменұлының «Жайықта туған жампоздар», Ғалым Сүлейменнің «Бақтияр» атты кітаптары қойылып,  көрмеге библиографиялық шолу жасалды.