2019 жылдың 4 қараша күні  В.Маяковский атындағы қалалық орталық кітапхананың оқу залында Қазақстан Республикасының Тұңғыш Президенті-Елбасы Н.Ә.Назарбаевтың «Болашаққа бағдар: рухани жаңғыру» бағдарламалық мақаласы аясында № 12 орта мектеп-гимназиясының 9 сынып оқушыларының қатысуымен «Денсаулық-зор байлық» атты ақпарат сағаты  өткізілді. Мақсаты: Оқушыларды  зиянды әдеттермен таныстыра отырып, оның адам ағзасына тигізетін зауалы туралы түсінік беру; Оқушылардың салауатты өмір салты жайлы білімдерін тереңдету, адам денсаулығының қымбаттылығын, өмір сүру үшін қажеттілігін, бағалы байлық екендігін түсіндіру барысында зиянды заттар мен әдеттердің ағзаға тигізетін әсерін ұғындыру. Денсаулық сақтауға, тазалыққа, ұқыптылыққа, әдептілікке баулу, салауатты өмір салтын сақтауға тәрбиелеу. Кітапханашылар тарапынан оқушыларға әртүрлі ақпараттар беріліп,  викториналық сұрақтар қойылды. Барлығы: 20 адам қатысты.