Қазан айының 22-ші жұлдызында қалалық орталық балалар кітапханасының қызметкерлері мен С.Сейфуллин атындағы Алматы облыстық әмбебап кітапханасымен бірлесе отырып Талдықорған қаласының «Қарлығаш» бала-бақшасының  бүлдіршіндерін балалар әдебиеттерімен  таныстырып, насихаттау жұмыстарын жүргізді. Мақсаты: бүлдіршіндердің жан-жақты дамуына ықпал ету, кітапқа деген қызығушылығын арттыру. Бүлдіршіндерге арналған 3D кітаптар насихатталып, кішкене оқырмандарымыздың назарына ұсынылды. Сонымен қатар кітапхана қызметкерлері  «Қуыршақ» театрының «Жылауық қыз», «Түлкі мен балық», «Теремок» атты қойылымдарын көрсетіп, бүлдіршіндерге ғажайып көңіл-күй сыйлап қайтты. Қатысқан адам саны 30.