Қалалық орталық балалар кітапханасының жоғарғы сынып оқушыларына қызмет көрсету бөлімінде мамыр  айының 18-ші жұлдызында № 2 мектептің    6  «а» мен 7 «б»  сынып оқушыларымен «Ақындар шоғырындағы Гималай» атанған ұлы ақынымыз, дүлдүл жырдың жүйрік тұлпары, көсем сөздің сұңқары ХХ ғасырдағы қазақ әдебиетінің негізін салушылардың бірі - Ілияс Жансүгіровтің 125 жылдық мерейтойына арналған «Ағынды менің Ақсуым» атты әдеби кеш ұйымдастырылды.  Мақсаты: Мектеп оқушылары арасында Ілияс Жансүгіров шығармашылығын насихаттау. Ақынның шығармашылығына, рухани мұрасына деген сүйіспеншілікке тәрбиелеу, поэзияны сүюге баулу.Аталмыш кешке мектеп оқушылары, мұғалімдер мен кітапхана қызметкерлері қатысты. Шараға 100-ге жуық адам қатысты.  Кітапханашы Ф.Жакупова Ілиястың лирикалық шығармаларына арналған баяндама жасаса, оқушылар ақынның өлеңдерін нақышына келтіре оқып іс-шараның көркін қыздыра түсті.  Республикалық «Ілияс оқулары» байқауының жүлдегері №2 мектептің 10 сынып оқушысы Саят Сая І.Жансүгіровтың «Ұяның ұясы, Қожаның дорбасы» фелетонынан үзінді оқыды. Кеш соңында кітапханашы Н.Шернияз шараға арнайы ұйымдастырылған «Көркем сөздің зергері» атты кітап көрмесіне шолу жасады.