Талдықорған қаласының орталықтандырылған кітапханалар жүйесіне қарасты Еңбек ауылдық №4 кітапхана филиалында 2025 жылдың 20 сәуір күні «23 сәуір –Ұлттық кітап күні» мерекесі аясында «Менің сүйікті кейіпкерім» атты рөлді сомдап оқу техникасы ұйымдастырылды. Шараға кітапхана оқырмандары мен кішкентай бүлдіршіндер қатысты. Кітап оқуды насихаттап, өскелең ұрпақ өміріне лайықты кітап оқу мәдениетін кеңінен қалыптастыру мақсатында балалардың назарына «Шалқан» ертегісі ұсынылды. Мақсаты: Шалқан ертегісін сахналау арқылы балалардың ақыл-ойын, қиялын дамыту, ертегі кейіпкерлерінің сөзін, дауыс мәнерін, дауыс ырғағын келтіріп айтуға дағдыландыру. Балаларды достыққа, адамгершілікке тәрбиелеу.