2025 жылғы 2 сәуір күні  қалалық орталық кітапханасында  2 сәуір- Халықаралық балалар кітабы күніне орай  «Кітап- ғажайып әлем» тақырыбында мерейгер кітаптарға арналған мерекелік шара  өтті. Шараға  №12 орта  мектеп гимназиясының 2,8,9, 10 сынып оқушылары ат салысты.
Шара барысында  2 «А» сынып оқушылары «Алтын сақа» ертегісіне көрініс көрсетіп,  2 «В» сынып оқушысы Никишина Арина Г.Х. Андерсеннің «Дюймовочка» ертегісін қысқаша мазмұндап берді. «Мерейгер кітаптар-2025» атты видео слайд арқылы Пичурин Киррил, Афониса Елизаветта А.С.Пушкиннің «Руслан и Людмила», Қабдолда Інжу мен Гончаров Артем А.П.Гайдардың «Тимур и его команда» сонымен қатар  9 сынып оқушысы  Болат Әділ  Абай Құнананбаевтың «Қара сөздері» кітабынан 7 қара сөзін жатқа айтты. Бижасарова Айя Ғ.Мүсіреповтың «Қазақ солдаты» кітабын мазмұндаса, Мақсатқызы Айым «Қозы Көрпеш- Баян сұлу» лиро- эпостық жырынан үзінді оқып, әдеби шеберлікпен суреттеп берді. Шара соңында  оқырмандар әдеби туындылар жайлы ой-пікірлерін ортаға сала отырып, әр түрлі ойындарға қатысты.
Мақсаты:  Оқушылардың кітапқа деген сүйіспеншілігін арттыру, кітап оқу арқылы олардың сөздік қорын , ой - өрісінің дамуын, рухани байлығын дамыту. 
Шараға 42 адам қатысты.