2024 жылдың 10 желтоқсан күні қалалық орталық кітапханасында поэзия падишасы атанған қазақтың танымал ақыны, Халық жазушысы, Қазақстан Республикасы Мемлекеттік сыйлығының лауреаты  Фариза Оңғарсынқызының 85 жылдығына арналған «Поэзия падишасы-Фариза» атты поэзия сағаты  ұйымдастырылды. Мақсаты: жас ұрпақты поэзия падишасы Фариза Оңғарсынованың шығармашылық өміріне талдау жасай отырып, сөз өнеріне деген сүйіспеншілігін арттырып, ақынның шығармаларын насихаттау. Шараға Талдықорған қаласының Инновация колледжінің І-ІІ курс студенттері қатысып, кітапханашы қазақ ақыны, халық жазушысы Фариза Оңғарсынқызының өмірі мен шығармашылығын таныстырды. Шара барысында оқырмандарға «Қазақтың ақын қызы-Фариза»  бейнеролигі көрсетіліп, оқушылар Фариза Оңғарсынованың «Туған жер», «Перзент сөзі», «Анама», «Фаризаға арнау», «Фаризажан» өлеңдерін мәнерлеп оқыды. Шара соңында «Жыр жұлдызы– Фариза» кітап көрмесіне шолу жасалды. Шараға 23 оқырман қатысты.