27  ақпан күні Маяковский атындағы қалалық орталық кітапхананың оқу залында мектеп оқушыларымен қазақ әдебиетінің үш бәйтерегі атанған Сәкен Сейфуллин, Бейімбет Майлин, Ілияс Жансүгіровтерге - 130 жыл толуларына орай «Ұлт руханиятының үш бәйтерегі» атты оқырман конференциясы өткізілді. Шарада оқушыларға Қазақ әдебиетіндегі үш бәйтерек - Сәкен Сейфуллин, Ілияс Жансүгіров, Бейімбет Майлин өмірлері қысқа, тағдырлары ауыр болғанымен шығармашылық ғұмыр баяндары ғибратты да мәнді болып табылатыны кейінгі ұрпаққа үлгі екендігі түсіндірілді. Оқушылар мағыналы, мазмұнды шығармаларын ортаға салып, өлеңдерін мәнерлеп оқыды. Сонымен қатар «Қазақтың үш бәйтерегі» атты кітап көрмесі ұйымдастырылып, шолу жасалды. Шара соңында Әжелер ансамблінің әншісі Шара Бөркеқызы С.Сейфуллиннің «Тау ішінде», І.Жансүгіровтың «Ағынды менің Ақсуым» атты әндерін орындап шараның көркін қыздырды. Шараға 23 оқырман қатысты.