2023 жыл 21 қараша күні В.Маяковский атындағы қалалық орталық кітапханасының оқу залында  Талдықорған қаласының іргшесінде орналасқан  Еркін ауылының өткен тарихы мен Мырза елінің мақтан тұтар азаматтарының игілікті өмірі және Есберлі ұрпақтары қоныстанған жерлердегі тарихи ескерткіштер, тағылымды тағдырлар, Еркін ауылының құрылу кезеңдері, ауылдың өркендеуіне үлес қосқан азаматтардың еңбектері толық сипатталған ақын, журналист, жазушы, тарихшы, өлкетанушы, ғылым магистрі Қажет Андастың  «Өткені ерен, келешегі кенен Еркін»  атты кітабының тұсаукесері өтті. Аталмыш шараға Талдықорған қаласы, Еркін ауылдық ақсақалдар кеңесінің төрағасы Тортай Ізбасқанов, Мырза атаның қадірменді ақсақалы Арыстанбек Бибатыров пен Еркін ауылының зиялы қауымы қатысты. Шара соңында автор кітапханаға кітаптарын сыйға тартты.