2023 жыл 16 қараша күні В.Маяковский атындағы қалалық орталық кітапханасының оқу залында Жетісу облысының С.Сейфуллин атындағы орталық кітапханасы мен Талдықорған қаласының орталықтандырылған кітапханалар жүйесінің ұйымдастыруымен іс-тәжірибе алмасу мақсатында «Кітапханалар жаңа уақыт үрдісінде» атты  облыстық семинар кеңес өткізілді. Семинардың мақсаты: кітапханашылардың кәсіби шеберлігін шыңдау, озық тәжірибелерді анықтау, балалар мен жасөспірімдердің арасында кітап оқу мәдениетін арттыру. Аталмыш шараға Жетісу облысы Мәдениет, архивтер және құжаттама басқармасының бөлім басшысы Қалқабаева Гүлмира Мәлікқызы, Талдықорған қаласының мәдениет, тілдерді дамыту және спорт бөлімі ММ-нің бас маманы Ә.Алинов, Жетісу облысының С.Сейфуллин атындағы орталық кітапханасының директоры С.Шаяхметова, Жетісу облысының С.Сейфуллин атындағы орталық кітапханасының әдіскері М.Баймендинова   және қала, аудан кітапханаларының директорлары қатысты.

Семинарды Жетісу облысы Мәдениет, архивтер және құжаттама басқармасының бөлім басшысы Қалқабаева Гүлмира Мәлікқызы ашты. Жетісу облысының С.Сейфуллин атындағы орталық кітапханасының директоры С.Шаяхметова құттықтау сөз сөйлеп «Кітапхана саласындағы жетістіктер мен міндеттемелер» атты баяндама жасады. Кітапхана директорларымен  әдіскерлері «Кітапхана - заманауи білім орталығы», «Кітапхана. Оқырман. Кітапханашы – жаңашылдыққа жаңа қадаммен» тақырыбында ой бөлісіп, іс-тәжірибелері мен ұсыныстарын ортаға салды.