2023 жылдың 26 қазан күні В.Маяковский атындағы қалалық орталық кітапханасының оқу залында 16-25 жас аралығындағы оқырмандар арасында  Республикалық «Бір ел – бір кітап» акциясы аясында қазақ жазушысы, драматург Төлен Әбдіктің шығармаларына арналған «Қазақ прозасының пырағы» атты қалалық байқауы ұйымдастырылды. Мақсаты: жазушының өмірі мен шығармашылығын дәріптеу, жастарды рухани-адамгершілік және патриоттық тәрбие беруге бағыттау. Аталмыш шараға 10 үміткер қатысты. Байқаудың қорытындысы бойынша бас жүлдені №8 орта мектептің қазақ тілі пәнінің мұғалімі Болат Самал иеленсе,  І дәрежелі  диплом Б. Сырттанұлы атындағы  № 25 орта мектептің 11 сынып оқушысы  Қабден Ақботаға, ІІ дәрежелі диплом  Жетісу Университеттінің 4 курс студенті Құттыбаев Әділге бұйырды. Байқаудың жеңімпаздарын құттықтаймыз және барлық қатысушыларға танытқан қызығушылықтары мен жеңіске деген ұмтылыстары үшін алғысымызды білдіреміз!