2023 жылдың 29 қыркүйегінде қалалық орталық  балалар  кітапханасының төменгі сынып оқушыларына  қызмет көрсету бөлімінде «Тәтті кітап жобасы» аясында «Сүйікті кітаппен селфи» атты кітап жарнамасы өтті. Шараға мектеп жасына дейінгі балалар мен 1-4 сынып оқушылары қатысты. Шараның шарты бойынша оқырман өзінің сүйікті кітабымен суретке түсу керек және бұл кітаптың неге ең сүйікті шығармасы екенін айтуы шарт. Қатысушылар сүйікті кітаптары туралы қызықты және шынайы әңгімеледі. Осы іс-шарамен кітапхана қызметкерлері бірнеше мақсатқа қол жеткізіп, оқушылар арасында кітап пен кітапханаға жарнама жасалды. Мақсаты: әр түрлі жастағы оқырмандар арасында кітап пен кітап оқуды насихаттау, оқырмандарды кітапханаға тарту.