2023 жылдың 5 мамыр күні В.Маяковский атындағы қалалық орталық кітапханасының оқу залында Талдықорған қаласының №12 орта мектеп-гимназиясының 5 сынып оқушыларының  қатысуыменен «Мақал-сөздің мәйегі» атты сайыс өткізілді. Мақсаты: оқушылардың мақал-мәтелдер туралы білімін тереңдету,    салыстыру, ажырата білу дағдылары мен оқу, талдау, машықтарын қалыптастыру;  оқушыларды ана тілін ардақтап бағалай білуге, сөз қадірін терең  ұғуға тәрбиелеу;  оқушылардың ойлау, сөйлей білу шеберлігін дамыту, сөз саптау қабілетін арттыру, сөйлеу мәдениетін жетілдіру, түрлі амал-тәсілдер арқылы іздендіре отырып шығармашылыққа баулу.