2023 жылдың 23  ақпан күні В.Маяковский атындағы қалалық орталық кітапханасының оқу залында «Білім» инновациялық колледжінің 1-2 курс білімгерлерінің қатысуыменен  заманымыздың заңғар ойлы, зергер зейін­­ді, зиялы жазушыларының бірегей жампозы, жазушы, драматург, қоғам қайраткері Төлен Әбдіктің шығармаларына арналған «Қазақ әдебиетінің хас шебері-Төлен Әбдік» атты оқырман конференциясы өткізілді.  Мақсаты: Төлен Әбдіктің  шығармашылығына оқырмандардың қызығушылығын ояту, жалпыадамзаттық құндылықтарға деген дұрыс қарым-қатынасын  оқырмандардың  жазушы өмірі мен шығармашылығын тануға деген қызығушылықтарын арттыру, жазушының рухани мұрасы жайлы терең зерттеуге ынталандыру. Аталмыш шараға «Ардагерлер үйінің» әдістеме бөлімінің меңгерушісі: Г.А.Каримова, қаланың психологтары: С.Джумабаева, С.Әбдікаримова қатысып, Төлен Әбдіктің шығармашылығы жайлы  қызықты ақпараттармен бөлісті.