2023 жылдың  қаңтар айының 19 күні В.Маяковский атындағы қалалық орталық кітапханасының оқу залында Талдықорған қаласының  №12  орта мектептің  8  сынып оқушыларымен "Жемқорлық  індет - жою  міндет" атты пікір алмасу  сағаты өткізілді. Шарамызда  оқырмандарға  Тәуелсіз еліміздің экономикасының дамуына кедергі келтіретін, қоғам дертіне айналған мәселелердің бірі – ол сыбайлас жемқорлық туралы, оның- ұлтымыздың қауіпсіздігіне, еліміздің халықаралық беделіне, азаматтардың конституциялық құқықтары мен бостандықтарына елеулі нұқсан келтіретін қауіпті құбылыс екені айтылды. Мақсаты: Оқырмандарға адам құқықтары жайлы түсініктерін қалыптастыру, "Жемқорлық" деген не екенін түсіндіру, өз ойларын еркін жеткізе білу қабілеттерін дамыту, дүниетанымдарын кеңейту, патриоттық тәрбие қалыптастыру. Шараға 23 адам қатысты.