Өтенай ауылдық №5 кітапхана филиалында 4 қазан күні  «Бірлік бар жерде, тірлік бар» деген тақырыптағы сұхбат интервью ауыл тұрғыны, кітапхананың тұрақты орқырманы шешен мәдени орталығының өкілі Асет Могамедқызымен өтті. Сұхбат барысында А.Могамедқызы:- Елімізде түрлі ұлт өкілдері қоғамдық бірлестігін, мәдени орталығын, одағы мен қауымдастығын құрып, еркін өмір сүруде. Солардың бірі Талдықорған қаласындағы  Шешен-ингуш ұлттық мәдени орталығы –

1990 жылы құрылған. Басты мақсаты — ұлтаралық татулық пен әлеуметтік тұрақтылық ахуалын сақтай отырып, шешен және ингуш ұлтының тілдері мен мәдениетін, салт-дәстүрін дамытып, насихаттау. Жетісу өңірінде 6 мыңнан аса шешен, 690-дай ингуш ұлтының өкілдері татулық пен ынтымақта өмір сүріп жатыр. Қазақ халқына алғысымыз шексіз - деп өз ризашылығын білдірді. Сонымен қатар оқырмандарға шешен ұлтының салт-дәстүрінен қызықты әңгімелеп  берді.