Өтенай ауылдық №5 кітапхана филиалында оқу залында 5 қыркүйек күні қоғам қайраткері, жазушы Ахмет Байтұрсынұлының туғанына 150 жыл толуына орай «Ұлттың ұлы ұстазы» атты тұлғатану сабағы өтті. Шара барысында өз заманының ағысына қарсы тұра білген қайраткер, қазақ халқының рухани көсемі, қазақ әліппесі мен қазақ тілі оқулықтарын жазған, білім алуға және бұқараны ағартушылыққа шақырған ұлт ұстазы А.Байтұрсынұлы туралы кең көлемде айтылды.

Мақсаты: мемлекет қайраткері, қазақ тіл білімі мен әдебиеттану ғылымдарының негізін салушы ғалым, ұлттық жазудың реформаторы, ағартушы, Алаш-Орда өкіметінің мүшесі Ахмет Байтұрсыновтың өмірі мен шығармашылығын насихаттау.