2021 жылдың  23 желтоқсан күні  В.Маяковский атындағы қалалық орталық кітапханасының оқу залында  Талдықорған  қаласының  №14 орта  мектеп-гимназиясының  оқушыларымен   қазақ әңгiмесiнiң қас шеберi, аудармашы, Қазақстанның еңбек сіңірген қайраткері өлкемізден шыққан дарынды  жазушы Сайын Мұратбековтың 85 жылдығына орай ұйымдастырылған «Дархан даланың дүлділі» атты  дөңгелек үстел өткізілді. Мақсаты: жазушы Сайын  Мұратбековтың шығармашылығы мен өмірі жайлы оқырмандарға  насихаттау,  проза, повесть, әңгімелеріне деген қызығушылықтарын арттыру,  Сайын Мұратбеков шығармаларымен таныса отыра, кейіпкерлер арқылы өмір шындығының суреттелуін білу, тану. Олардың танымдық, шығармашылық қабілеттерін ұштау, тіл байлығын арттырып, сөйлеу мәдениетін қалыптастыру.  Шара барысында оқушылар  Сайын  Мұратбеков жайлы ақпаратпен бөлісіп,  оның «Ананың арманы» атты шығармасына  талдау жасады.