Өтенай ауылдық №5 кітапхана филиалында қазақ әдебиетінің көрнекті өкілі, көркемсөз өнерінің үлкен шебері Сайын     Мұратбековтің туғанына 85 жыл толуына орай автордың қаламынан  туған көптеген туындыларының арасында балалардың қызыға оқитын әңгімесінің бірі  «Жусан иісі» шығармасына әдеби вернисаж өтті.

Шара барысында балаларға негізгі кейіпкері Аянның аянышты балалық шағы, биiк адамгершiлiк қасиетімен ерекшеленіп тұратындығы, балаларға ойынан шығарып ертегі айтқандағы бала қиялының ұшқырлығы туралы айтылды. Балаларды кітап оқуға қызықтыру, оқу мәдениетін қалыптастыру негізгі мақсат болды.