«Артық білім кітапта, ерінбей оқып көруге» деп Абай Құнанбайұлы айтпақшы адам баласы үшін кітап-тілсіз тәрбиеші. Кітап адам баласына бала кезінен бастап өмірінің соңына дейін сырлас дос бола алады. Осыған орай, қалалық орталық  балалар кітапханасының төменгі сынып оқушыларына қызмет көрсету бөлімі қыркүйек айының  20-шы жұлдызында «Бір ел-бір кітап» республикалық акциясы аясында «Тәуелсіздігіміздің 30 жылдығына-30 кітап» рухани –мәдени оның ішінде «Балалар әдебиеті» жанры бойынша           (Ы. Алтынсарин «Өнер білім бар жұрттар»; Бердібек Соқпақбаев «Жекпе-жек»; Марат Қабанбаев «Жиһангез Тити»; Толымбек Әбдірайым «Алаабұға аулаған күн»; Зира Наурызбаева, Лиля Калаус «Алтын тостағанды іздеу»; Мәди Айымбетов «Бар болғаны он төрт жас») «Кітап оқу көшбасшысы» атты байқау ұйымдастырып өткізді. Мақсаты: Қазақ балалар әдебиетін кеңінен насихаттап, балалардың  оқуға деген қызығышылығын арттыру; кітап оқу дәстүрін сақтау және дамыту; оқырманның ойлануына түрткі болу, шығармашылық ойлауды дамыту және жазу шеберлігін шыңдау.

https://m.facebook.com/story.php?story_fbid=1030068981088028&id=100022548073225

https://www.instagram.com/p/CSy2RgsiSDv/?utm_medium=copy_link