2021 жылғы 18 наурыз  күні Учхоз (ЗВТ) №8 кітапхана  филиалы  22  наурыз  күніне орай «Наурыз – жыл  басы» атты кітап көрмесін оқырмандар назарына ұсынды. Көрменің мақсаты – бүкіл түркі халықтарының ұлық тойы – Наурыз мерекесін ұлттық салт-дәстүрімізбен, әдет-ғұрпымызбен байланыстыра насихаттап, ұрпақтардың өз ұлтына деген сүйіспеншілігін арттыру. Мерекеге арналып жасалған кітап көрмесі Наурыз тойының табиғатын, шығу төркінін, мазмұны мен мәнін, халықтың мәдени-рухани өміріндегі орнын баяндап, қазақ халқының салт-дәстүрі, әдет-ғұрпы мен қолөнері насихаттады. Кітап көрмесінің «Наурызым – дәстүрім» атты 1-ші бөлімінде халқымыздың ұлттық мерекесі Наурыздың шығу тарихы, жыл басы, жыл қайыру, жыл, ай аттары тәрізді ұлттық құндылықтар туралы әдебиеттер қойылды, 2-ші бөлім «Қолөнер – мол өнер» деп аталады. Қолөнер – халықтың  ұлттық  мұрасы, мәдениеті мен өнерінің  айқын  көрінісі. Соған орай  қолөнерге  байланысты  әдебиеттер  ұсынылды.