Тәуелсіздік – тәуелсіздігімен, егемендігімен, тәуелсіз елі мен жері, тілі мен дінімен маңызды! Еліміз қалай болғанда да сан ғасырлық қиын қыстау жолдан, тар жол тайғақ кешуден өтті. Сондықтан Тәуелсіздік – ең алдымен Қазақ халқының бостандыққа ұмтылған асқақ армандары мен қайсар рухының жемісі.  Осы Төл мереке   қарсаңында В.Маяковский атындағы қалалық орталық кітапхана қызметкерлері «Тәуелсіздік – азаттығым, бақ күнім!» атты іс-шара ұйымдастырды.  Аталмыш шара Алматы облыстық Әділет департаментінің қызметкерлерімен өткізілді. Шара барысында қызметкерлер назарына «Тәуелсіздіктің тарихи жолы» атты слайд-презентация, «Ызғарлы желтоқсан», «Қара бауыр қасқалдақ» атты бейнероликтер көрсетілді.  Шара Қазақстанның тәуелсіздікке жету жолындағы тарихын баяндау арқылы жастар бойында еліне, жеріне,  ұлтына деген патриоттық  сезімін  қалыптастыру мақсатында өткізілді.